នាយឧត្តមសេនីយ៍ សៅ សុខា បើកកិច្ចប្រជុំពិភាក្សាក្រុមការងារបច្ចេកទេសត្រៀមរៀបចំពិធីរំលឹកខួបលើកទី៤៣

ភ្នំពេញ៖​ ព្រឹកថ្ងៃពុធ​ ទី១៧ ខែមិថុនាឆ្នាំ ២០២០ នៅបញ្ជាការដ្ឋាន​ កងរាជអាវុធហត្ថលើផ្ទៃប្រទេស លោក​ នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស និងជាប្រធានក្រុមការងាររៀបចំពិធីរំលឹកខួបលើកទី៤៣ តំណាងដ៏ខ្ពង់ខ្ពស់សម្ដេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានបើកកិច្ចប្រជុំពិភាក្សាក្រុមការងារបច្ចេកទេសត្រៀមរៀបចំពិធីរំលឹកខួបលើកទី៤៣ ទិវាចងចាំដំណើរឆ្ពោះទៅការផ្ដួលរំលំរបបប្រល័យពូជសាសន៍ប៉ុលពត (២០ មិថុនា ១៩៧៧ -​ ២០ មិថុនា ២០២០) ដើម្បីពិនិត្យវឌ្ឍនភាពការងារចុងក្រោយរបស់ក្រុមការងារបច្ចេកទេសនីមួយៗ និងកម្មវិធីមួយចំនួនរួមមាន ការជិះកង់ ប្រគុំតន្រ្តី ការរៀបចំអាហារ​ និងស្នាក់នៅ ព្រមទាំងការកំណត់ប្រើប្រាស់ឯកសណ្ឋាន៕