ពិធីប្រគល់-ទទួលសំណង់អាគារទីស្នាក់ការកណ្តាលគណបក្សប្រជាជនកម្ពុជា!

នៅថ្ងៃអាទិត្យ ខែជេស្ឋ ឆ្នាំជូត ទោស័ក ព.ស ២៥៦៤ ត្រូវនិងថ្ងៃទី២១ ខែមិថុនា ឆ្នាំ២០២០ សម្ដេចវិបុលសេនាភក្ដី សាយ ឈុំ អនុប្រធានគណបក្ស និងជាប្រធានគណៈប្រចាំការ នៃគណៈអចិន្ត្រៃយ៍ គណៈកម្មាធិការកណ្តាលគណបក្សប្រជាជនកម្ពុជា បានអញ្ជើញជាអធិបតីដ៏ខ្ពង់ខ្ពស់ក្នុងពិធីប្រគល់-ទទួលសំណង់អាគារទីស្នាក់ការកណ្តាលគណបក្សប្រជាជនកម្ពុជា ( គ ៨៥ ) ដែលបានចាប់ផ្តើមសាងសង់ពីថ្ងៃទី១១ ខែវិច្ចិកា ឆ្នាំ២០១៨ និងបានបញ្ចប់ការសាងសង់ជាស្ថាពរនៅថ្ងៃទី២០ ខែមិថុនា ឆ្នាំ២០២០ ដោយប្រើប្រាស់រយៈពេលសាងសង់ចំនួន ៥៨៨ថ្ងៃ និងទទួលសាងសង់ ដោយកងវិស្វកម្មសម្តេចតេជោ ហ៊ុន សែន សៀមរាប តំណាងដោយឯកឧត្តម នាយឧត្តមសេនីយ៍ ខេង សុមេធ អគ្គស្នងការរងនគបាលជាតិ៕