កំពង់ចាម៖នៅព្រឹកថ្ងៃទី១៥ ខែកក្កដា ឆ្នាំ២០២០ នៅសាលាខេត្តកំពង់ចាម ឯកឧត្ដម ខៀវ កាញារីទ្ធ រដ្ឋមន្ត្រីក្រសួងព័ត៌មាន ឯកឧត្ដម អ៊ុន ចាន់ដា អភិបាលនៃគណអភិបាលខេត្តកំពង់ចាម ឯកឧត្ដម ខ្លូត ផន ប្រធានក្រុមប្រឹក្សាខេត្ត បានអញ្ជើញចូលរួមជាអធិបតីក្នុងពិធីប្រកាសចូលកាន់តំណែងប្រធានមន្ទីរព័ត៍មានខេត្តកំពង់ចាម ដោយមានការអញ្ជេីញចូលរួមពីឯកឧត្តម លោកជំទាវ លោក លោកស្រី ប្រតិភូក្រសួងព័ត៌មាន អភិបាលរងខេត្ត មន្ទីរ-អង្គភាពជុំវិញខេត្ត អភិបាលក្រុង ស្រុក និងមន្ត្រីរាជការមន្ទីរព័ត៌មានខេត្តជាច្រើនរូបទៀត។
យោងតាមប្រកាសលេខ២៣៧ ព.ម ប្រក របស់ក្រសួងព័ត៌មាន ចុះថ្ងៃទី១១ ខែមិថុនា ឆ្នាំ២០២០ ស្តីពីការតែងតាំងមន្ត្រីរាជការ ត្រូវបានតែងតាំងលោកស្រី សម ផល្លា ជាប្រធានមន្ទីរព័ត៍មានខេត្តកំពង់ចាម ជំនួសលោក ជា ក្រូច ដែលត្រូវបានចូលនិវត្តន៍ ៕
