ព្រៃវែង ៖ ព្រឹកនេះតំណាងដ៏ខ្ពង់ខ្ពស់ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា ( ស.ស.យ.ក. ) បានជួបសំណេះសំណាលសួរសុខទុក្ខពុកម៉ែ បងប្អូនប្រជាពលរដ្ឋ ចំនួន ៥០គ្រួសារ នៅស្រុកពាមជរ ខេត្តព្រៃវែង និងបាននាំយកនូវគ្រឿងឧបភោគ-បរិភោគ និងថវិកាមួយចំនួន ប្រគល់ជូនពុកម៉ែ បងប្អូនប្រជាពលរដ្ឋទាំង ៥០គ្រួសារនោះ ជាទ្រនាប់ដៃផងដែរ។
ក្នុងនាមឯកឧត្តម ហ៊ុន ម៉ានី ក៏បានស្នើសុំឲ្យពុកម៉ែ បងប្អូនប្រជាពលរដ្ឋ ទាំង ៥០គ្រួសារនោះ បង្កើនការដាំដុះដំណាំរួមផ្សំ បន្លែ ជី ស្លឹកគ្រៃ ដំណាំហូបផ្លែ ផលិតផលកសិកម្មផ្សេងៗទៀត ជាជាងទុកដីទំនេរចោល សម្រាប់បំពេញតម្រូវការប្រចាំថ្ងៃ ក៏ដូចជា រួមចំណែកកាត់បន្ថយការនាំផលិតផលបរទេសចូលក្នុងស្រុក និងត្រូវយកចិត្តទុកដាក់ថែរក្សាសុខភាព ដើម្បីបង្ការពីជំងឺផ្សេងៗ ពិសេសជំងឺកូវីដ ១៩ ដែលកំពុងរាតត្បាត និងបំផ្លាញជីវិតមនុស្ស ក៏ដូចជា សេដ្ឋកិច្ចជាតិ របស់ប្រទេសនីមួយៗ នៅលើសកលលោក គួរឲ្យព្រួយបារម្ភ៕២១ កក្កដា ២០២០
