កំពង់ឆ្នាំង៖ កាលពីវេលាម៉ោង៥និង១០នាទីព្រឹក ថ្ងៃទី១៧ ខែតុលា ឆ្នាំ២០២០ ប្រជាពលរដ្ឋបង់សំណាញ់ជាប់ម៉ូតូមួយគ្រឿងម៉ាកscopyពណ៌ស ពាក់ស្លាកលេខ ភ្នំពេញ 1HI-8790 ឆ្នាំ២០១៩ នៅចំណុចតាមប្រឡាយទឹកមួយកន្លែងស្ថិតក្នុងភូមិស្វាយគយ ឃុំពន្លៃ ស្រុកបរិបូណ៌ ខេត្តកំពង់ឆ្នាំង។
ប្រភពពីសមត្ថកិច្ចបានតឲ្យដឹងថា ៖ បើតាមការរៀបរាប់ពីប្រជាពលរដ្ឋដែលបានបង់សំណាញ់ហើយប្រទះឃើញម៉ូតូខាងលើនេះ បានរៀបរាប់ប្រាប់សមត្ថកិច្ចថា ពេលដែលគាត់បានបង់សំណាញ់ចូលទៅក្នុងទឹកហើយស្រាវសំណាញ់មកវិញមិនរួច គាត់នឹកស្មានថាសំណាញ់ជាប់ថ្ម ក៏បានចុះទៅដោះសំណាញ់ក្នុងទឹក ហើយ ក៏បានប្រទះឃើញម៉ូតូដែលមានភិនភាគដូចខាងលើនេះ ជាប់សំណាញ់របស់គាត់ ខណ:នោះគាត់ក៏បានទូរស័ព្ទមកលោកដែលជានាយប៉ុស្តិ៍រដ្ឋបាលឃុំពន្លៃផ្ទាល់ ដើម្បីចុះទៅពិនិត្យមើលនៅទីតាំងកន្លែងកើតហេតុ។
បច្ចុប្បន្នសមត្ថកិច្ច ក៏កំពុងតែស្វែងរកម្ចាស់ម៉ូតូ និងធ្វើការស្រាវជ្រាវ រកពីមូលហេតុ ថាតើហេតុអ្វីបានជាម៉ូតូនេះទៅនៅក្នុងប្រឡាយទឹក ហើយពុំមានសេចក្តីរាយ ការណ៍ណាមួយដល់សមត្ថកិច្ច ពាក់ព័ន្ធទៅនឹងការបាត់ម៉ូតូនៅក្នុងមូលដ្ឋាននេះកន្លងមកផងដែរ៕ដោយ សហការី
