ភ្នំពេញ៖ លោក ម៉ម ប៊ុនហេង រដ្ឋមន្រ្តីក្រសួងសុខាភិបាលបានថ្លែងក្នុងសន្និសីទសារព័ត៌មាន ថា នៅកម្ពុជារកឃើញវីរុសកូរ៉ូណាប្រភេទថ្មីលើកដំបូង នៅលើជនជាតិចិនម្នាក់ នៅខេត្តព្រះសីហនុ នាថ្ងៃទី២៧ ខែមករា ឆ្នាំ២០២០។ សូមបញ្ជាក់ថា ជនជាតិចិនខាងលើធ្វើដំណើរមកពីក្រុងវ៉ូហាន ប្រទេសចិន ។ មន្រ្តីជំនាញ នៃក្រសួងសុខាភិបាល ក៏បានបញ្ជាក់ថា ជនជាតិចិនខាងលើមិនទាន់មានអាការៈណាមួយធ្ងន់ធ្ងរនៅឡើយទេ ។
ចំណែកប្រភពដែលទទួលនៅថ្ងៃអង្គារទី២៨ ខែមករា ឆ្នាំ២០២០នេះថា ចំនួនអ្នកស្លាប់ដោយសារការផ្ទុះឡើងនៃវីរុសឆ្លងវីរុសនៅប្រទេសចិនបានកើនឡើងដល់ ១០៦នាក់ ខណៈដែលមានករណីថ្មីជិត១.៣០០ត្រូវបានបញ្ជាក់។ គណៈកម្មការសុខាភិបាលនៅភាគកណ្តាលខេត្តហ៊ូប៉ីដែលជាចំណុចកណ្តាលនៃការរាតត្បាតបាននិយាយថាមនុស្ស ២៤ នាក់បន្ថែមទៀតបានស្លាប់ដោយសារវីរុសហើយមនុស្ស ១.២៩១នាក់ បានឆ្លងជំងឺនេះដែលបង្កើនចំនួនករណីឆ្លងសរុបលើសពី៤០០០ នាក់នៅទូទាំងប្រទេស។
