ខេត្តកំពង់ចាម ៖ ឯកឧត្តម ផុស សុវណ្ណ ប្រតិភូរាជរដ្ឋាភិបាលកម្ពុជា និងជាអគ្គនាយក នៃអគ្គ នាយកដ្ឋានព័ត៌មាននិងសោតទស្សន៍នៃក្រសួងព័ត៌មាន បានផ្តាំផ្ញើរទៅដលបងប្អូនប្រជាពលរដ្ឋនៅតាមមូលដ្ឋានសូមកុំភ្ញាក់ផ្អើល និងមានការព្រួយបារម្មណ៍ចំពោះជំងឺប្រភេទថ្មីកូរ៉ូ ណាដែលកើតមាននៅលើពិភពលោក ព្រោះប្រទេសកម្ពុជាយើង គ្មានប្រជាពលរដ្ឋខ្មែរណាម្នាក់បានឆ្លងរាលដាលនៅឡើយទេ។
ផ្ទុយទៅវិញអ្វីដែលបារម្មណ៍នោះគឺជំងឺភ័យព្រួយរបស់ ប្រជាពលរដ្ឋទៅវិញទេ។ ដូច្នេះឯកឧត្តមសូមឲ្យបងប្អូនប្រជាពលរដ្ឋកុំមានការព្រួយបារម្ភអំពីជំងឺនេះឲ្យសោះ ហើយម្យ៉ាងទៀតពាក់ព័ន្ធនឹងជំងឺនេះ រាជរដ្ឋាភិបាលក្រោមការដឹកនាំរបស់ សម្ដេចតេជោ ហ៊ុន សែនក៏បាននឹសាងកំពុងយកចិត្តទុកដាក់ និងចាត់វិធានការ គ្រប់រូបភាព ដើម្បីទុបស្កាត់ នូវជំងឺឆ្លងនេះនិងធ្វើយ៉ាងណាដើម្បីការពារសុខមាលភាពរបស់បងប្អូន ប្រជាពលរដ្ឋរបស់យើង។
ការបញ្ជាក់ និងផ្តាំផ្ញើរខាងលើនេះគឺបានធ្វើឡើងនៅក្នុងឱកាសដែល ឯកឧត្តម ផុស សុវណ្ណ និងឯកឧត្តម ទន់ សារ៉ាត រដ្ឋលេខាធិការក្រសួងព័ត៌មាន តំណាងឯកឧត្តមខៀវ កាញ្ញារីទ្ធរដ្ឋមន្ត្រីក្រសួងព័ត៌មាន បានអញ្ជើញជាអធិបតីភាពក្នុងពិធីសម្ពោធសមិទ្ធផលនានានៅក្នុងវត្ត ពោធិរិទ្ធ ហៅវត្តត្នោត ស្ថិតក្នុងឃុំកោះសូទិន ស្រុកកោះសូទិន ខេត្តកំពង់ចាមនាថ្ងៃទី០៣ ខែកុម្ភៈ ឆ្នាំ២០២០ ។
ឆ្លៀតក្នុងឱកាសនេះដែរឯកឧត្តម ផុស សុវណ្ណ មានប្រសាសន៍លើកឡើងទៀតថា វិស័យពុទ្ធចក្រ និងអណាចក្របានដើរទន្ទឹមគ្នា ក្រោមម្លប់សន្តិភាព និងបានធ្វើឲ្យប្រទេស កម្ពុជាមានការអភិវឌ្ឍន៍រីកចម្រើននិងសុខសន្តិភាពហើយប្រជាពលរដ្ឋមានសេរីភាពគ្រប់បែបយ៉ាង ។
ហើយសមិទ្ធផលទាំងនេះគឺចាត់ថាជាការរំលឹកនិងអរគុណដល់បុព្វការីជន ដែលបាន ពាលីជីវិតនិងទុកជាទីសការៈសម្រាប់មនុស្សជំនាន់ក្រោយៗទៀតគោរពបូជា។
បន្ទាប់ពីឯក ឧត្តម ទន់ សារ៉ាត បានលើកឡើងនូវគោលនយោបាយ និងការរីកចម្រើនរួចមកលោកស្រី ស៊ុន ចន្ថា មេឃុំកោះសូទិនបានមានប្រសាសន៍បញ្ជាក់ឲ្យដឹងផងដែរថា ទីវត្តអារាមវត្តត្នោតនេះ គឺបានកើតឡើងតាំងពីឆ្នាំ១៩៣៤មកម្ល៉េះ ដោយមានព្រះចៅអធិការវត្តចំនួន៦ព្រះអង្គ មកហើយ ដោយមានការជួយជ្រោមជ្រែង ពីគណៈពង្រឹងមូលដ្ឋានឃុំកោះសូទិន និងពុទ្ធបរិស័ទចំណុះជើងវត្ត មកដល់បច្ចុប្បន្ននេះ បានកសាងបាននូវសមិទ្ធផលយ៉ាងច្រើនរហូតបានសម្ពោធដាក់ឲ្យប្រើប្រាស់ជាផ្លូវការនាថ្ងៃនេះ។
គួរបញ្ជាក់ថា សមិទ្ធផលដែលក្រុមការងារបានជួយរួមមាន ៖ កសាងខ្លោងទ្វារវត្ត របង៨បន្លោះ និងម៉ាស៊ីនកាណូតចំនួន១។
ទន្ទឹមនឹងនេះ ឯកឧត្តម ផុស សុវណ្ណ និង លោកជំទាវ ព្រមទាំងពុទ្ធបរិស័ទចំណុះជើងវត្តជិតឆ្ងាយ ក្នុងស្រុក ក្រៅស្រុក បានជួយឧបត្ថម្ភ និង
កសាងសមិទ្ធផលជាច្រើនទៀតសរុបជាទឹកប្រាក់ចំនួន៣២២០០ដុល្លារ ៕
